material für den 16.05.2024 😎 nur heute und morgen verfügbar

programmheft 

sibylle kefer

dialektdonnerstag

16.05.2024

cafe anno

1. moment

für meinen papa

goisern, 1.1.2017 23:46, überarbeitet am 11.3.17 in wien um 3:14 

monchmoi muass ma si im 

lebm a oafoch 

traun 

oafoch und traun 

die gegenpole 

zamkuma lossn 

wie wonn die finga um die a gummibandl gsponnt is 

si wieder nähakumman 

ois waradns magnetisch 

ma moad sie san stoak und ziagn ausanond 

da daumen und da zeigefinger 

und donn ziagn sa si do wieda zom 

owa des woaß ma zu dem zeitpunkt sowieso nu nit 

und de de si traun glaubm 

es wird oafoch geh 

beziehungsweise es wird oafoch geh 

hauptsoch es reißt nit o in da weiteren folge 

gemach gemach wos warat des scho vü z weit denkt 

und so vielleicht da moment vaschenkt 

2. auswahl: song ohne * (*= langsam)

3. 2x auswahl aus „politische lieder/situationslieder/reflexionen/perspektiven“

4. lesung publikum

rednmasiesscherednmasieshoidwiedaschejoscherednmasieshoidwiedaschejoschejoehmonchmoigehtdesjoehrednmasieshoidwiedaschejosche 

schaudasodesdeafjowoinitwoaseijetztbleibtdedodro wie a vabissna hundfriaraodaspädagehtsiedesnitauswiefriaraoda späda zoids dierechnungdraufweawoassobfriarabessawaodawonnspädafriarawadaonlossiskoaonlosshoidfürmidaonlossiskoaonlosshoidfürminitdaonlossiskoaonlosshoidfürminit schorednmasieshoidwiedaschejoscherednmasieshoidwiedaschejoschejoehmonchmoigehtdesjoehrednmasieshoidwiedaschejosche 

soitatimadesgenaueroschaunodasoitatimameinegrenzn besserziagnodavübessanuvaschiamdamitadedewirklicheiniwoinakinnanfürdiemochimivaletztboabietmiozumdenknreibmundentwicklnfürdieondanowanit 

daonlossiskoaonlosshoidfürmidaonlossiskoaonlosshoidfürminitdaonlossiskoaonlosshoidfürminit schorednmasieshoidwiedaschejoscherednmasieshoidwiedaschejoschejoehmonchmoigehtdesjoehrednmasieshoidwiedaschejosche 

5. auswahl aus „liebeslieder“

6. auswahl ohne * (*= langsam)

7. lesung publikum

hobididonnhobidigenaudortwoidijetzt
brauchundduhostmiaundunsazeitdielöstsi
aufundnitauflaufendrauschend
aufbauschendundohnegwichtisdoundlosstunsmochn 

obwoisunsnitkontaktiertundsinitdeklariertundnitdoiswährendsschodoismitohnemessagedekoanauftrog
impliziertsostehtrechtfreidowosdosteht 

unddiekatznkratznanitoneanamkrotzbasesanlockaundirgendwiehandsomgeschmeidigundsehrbeiläufigbedochtsoochtsamaufazeichenvomnochbarn 

gspiaididanngspiastdumialossmasmorgenmorgenkummrastmaausrastmaeigemmahiwohimawoinundbleimadonnnitdortgemmazruckzumwortmochmblauowaohneparteundimgrünennimmmimitindeimüberraschungsei 

8. auswahl publikum

9. mehr davo

10. neuer song

liebeslieder:

– moment (für papa)*

– mei bua (für paul)*

– gleich weit (für feli)*

– schlofliad (für marli)*

– gewoitn (für christoph)*

– blinde kua (für christoph)

– die lärchn (für christoph)*

– fenstabankal (für omi)*

– freundschaftsentzug (für meine freund*innen)

politische lieder/situationslieder/reflexionen/perspektiven:

a hund*

hoid

redn ma sies sche

mehr davo

da taxla*

liawa hoffnung (6/8)

jederzeit bereit (6/8)

katzn

erfundene geschichten:

da mülla und i

martha

da fred

alle texte

liebeslieder:

moment 

für meinen papa

goisern, 1.1.2017 23:46, überarbeitet am 11.3.17 in wien um 3:14 

monchmoi muass ma si im 

lebm a oafoch 

traun 

oafoch und traun 

die gegenpole 

zamkuma lossn 

wie wonn die finga um die a gummibandl gsponnt is 

si wieder nähakumman 

ois waradns magnetisch 

ma moad sie san stoak und ziagn ausanond 

da daumen und da zeigefinger 

und donn ziagn sa si do wieda zom 

owa des woaß ma zu dem zeitpunkt sowieso nu nit 

und de de si traun glaubm 

es wird oafoch geh 

beziehungsweise es wird oafoch geh 

hauptsoch es reißt nit o in da weiteren folge 

gemach gemach wos warat des scho vü z weit denkt 

und so vielleicht da moment vaschenkt 

mei bua 

für paul

du bist mei 

bua mei bua des sog i da jetzt nit nur weilst das bist mei bua des sog i a 

mir weil is oft goa nit glaubn ko dass das
bist mei bua 

wonn ma uns
büda oschaun da papa und i donn kinna mas kaum glaubm wie uns 

deine braunen augn scho imma so sche ogschaut hom 

und deina kloanen 

schwestanprinzessin host die wichtigstn sochn scho 

zoagt
wonn ma eich aus die augn lossat 

mochts worauf ma eh eigentlich goa nit 

gwoat hättn 

und gwusst dass des mochts homma a scho 

boid weil eich a bond fabindt do
schliaßt si jetzt da kreis mit eira
großn schwesta die ko des nämlich 

a mit eich 

und da papa und i hom eh a guats gfüh
owa ma kinnt nit sogn das ma nit scho a gfoadat 

san 

du bist mei 

bua und i sog da des jetzt mia großn tuan oft 

so ois wissat ma wies richtig geht i hob des 

gfüh du woaßt des oft söwa a und a
bissl wos konnst ruhig a von mir nehma 

owa oft vasteh i wirklich wonnst di
ärgast und a kränkst do bleimma dro do kinna ma wos 

mitanonda leana 

siagst in captain kirk in hümmü fliagn
schnö ma siagtn glei scho 

nimma do do hintn 

is nu a schimma von sein 

sternenstaubliacht des obi
wan eam zuawischiaßt mit seina laserkroft die du jo
söwa a mochn konnst und olle yediritter
kämpfm in da nocht für des guade auf da welt
damitst jetzt schlofm mogst und moagn guat aufsteh konnst 

zum
fuassboispün und grössawerdn mit 

deine braunen augn die welt 

oschaun guade
nocht 

gleich weit 

für feil

groß bist woan sche is gwesn

guat is gonga schau i zruck 

hear i di in da nocht hoamkuma 

lieg in meim bett in meim jetzt 

i sog nit geh i sog geh mit gott
und denkn tua i ma kum imma wieder zruck 

schau da ois o findt dein eignen weg 

und wonnst mi 

brauchst bin i 

do 

i geh a stickal mit 

loss di ei loss di aus
nit im schnödurchlauf
in normalzeit von morgn is heit gleich weit und heit is imma 

heit

s ́lem ko a hund sei nit glott und nit rund sei nit berechenbor 

koa spü
s ́lem tuat wos tuat
und nit wos i wü nit noch 

gfüh 

wonns da zuafoit wonns da urknoid wonns di ohoit dass di ohoitst 

wonns da aufbricht
und wie sau sticht 

loss di ei loss di aus
nit im schnödurchlauf
in normalzeit von morgn is heit gleich weit und heit is imma heit 

schlafliad

für marli

schlof mei liabs diandl i denk grod so sche 

übers sinnfreie tuan noch während nächtlichem ruhn

in beiden liegt a kroft 

und i hoff i schoffs 

di zum

wiedaeischlofm z´bringa donn ko i weidasinna

schlof ei und tram von de           

feinen sochn de´s lebm lebenswert mochn

von de menschn um di herum die die 

trogn 

die deine launen mitgestoitn                         

und  in schach hoitn

und deine hoa aus die augn streichn

und die neichn 

gummistüfü mit die blumen drauf am

wohnzimmabodn ausweichn

schlof mei liabs diandl i denk grod so sche 

übers sinnfreie tuan noch während nächtlichem ruhn

in beiden liegt a kroft 

schlof schlof schlof 

gewoitn

für christoph

üwaroi mecht i singa 

die gonze zeit bin i am schpringa 

ois is lebendig in mir
die gonze wöt mecht i umoama

und i ko a wieda woana 

wo i bin 

bist du bei mir 

lass i mi gern verwoitn von höhere gewoitn
und mir kummt vor du a
gewoitn de uns beide hoitn und de si nur entfoitn 

weil mir zwoa mir san tada 

blinde kua 

für christoph

nimm da an stift schick ma a koatn
adressiert mit dem wos unsas is 

und wonns okumma is nimmst das mit da ondan post 

ois zom aufa und legst mas am küchentisch 

zeit für mi is rar woadn 

zeit für di irgendwie a
da weg zu mehr zeit mit dir 

führt vorbei on am bankerl mit mir 

drah di um
moch deine augn zua zö bis zehn
spü ma blinde kua 

die lärchn (für christoph)*

fenstabankal

für omi

hätt i di nit troffm
war die zeit a vagonga ondas 

de wöt hätt si wohrscheinlich weidadraht
vielleicht a bist schnölla
oda longsoma oda gleichschnö 

owa de blume auf deim fenstabankal hätt nit gheat wie ma gredt hom
und glocht homma a
und des hat sicha einfluss ghobt auf ihr entwicklung 

freundschaftsentzug

                                                           für meine freund*innen

slebm hod seine wundn hintalossn
in finstre gossn is ma monchmoi obogn wei ma woit
da herrgott hod oan mensch sei lossn
des schlechte gwissn hod si eh von söwa einaghoit

wonnst mi zum rechtn zeitpunkt do donn gsegn host

donn woa a des wos schlimm woa in dem moment hoib so wüd

gemeinsam homma zeit vasoffm

und graucht und gscheida gwesn ois da 

rest da wöt woama a
wobei da rest da wöt a onliegn woa

i vamiss di

freundschaftsentzug hoeidi

die nocht ko a hund sei

freundschaftsentzug a hätt i di

des lebm kinnt ma umdrahn 

guat hob is dawischt so guat so wunderboa
mei mann is gsund und meine kinda a und unpack- 

boa is eigentlich dass mas nit aufschreibm ko ma 

bleibt am bestn demütig und gonz oag donkboar
i vamiss di

freundschaftsentzug hoeidi

die nocht ko a hund sei

freundschaftsentzug a hätt i di

des lebm kinnt ma umdrahn 

donn sitzt mit deina family in oana feschn

wohnung zwischn stodt und land weil stodt is si nit

ausgonga finanziell und fürs land is da

zfrua wei mitm erstn kind woast eh kaum fuat und

und eigentlich wüst scho nu aussafindn wie

des städtelebm so gwesn wa nur host jetzt nu zwoa

kriagt und de woin di a

dahoam

politische lieder/situationslieder/reflexionen/perspektiven:

a hund 

a hund is a hund wonn a böd

wonn a nit böd is a a a hund

i bin a gscheichte hen

wons nit woaß ob sa si wiedakennt

hot da bam seine bladln nu om

kinntat sei is mei optik vaschom

losst as foin ko i hintri schaun

ohne aufsteh an tiafan blick baun

tiaf hoch floch weit

wos is des is

wos nit is 

des schreit a nit

wos hiruckn a optik 

biagn

beim hirn von da hen kinnt des 

funktioniern

owa bei mir deafat des nit so geh

i ko ma s oschaun und i siag donn a an 

schmäh

oiso bitte oiso bitte oiso bitte kriag di

ei

oiso bitte oiso bitte oiso bitte nit zum 

schein

samma echt samma mutig hoit ma 

zom

schau ma hi blick ma durch homma frogn

a hund is a hund wonn a böd

wonn a nit böd is a a a hund

i bin a gscheichte hen

won i nit woaß ob i mi wiedafindt

hoid 

hoid wei i des jetzt so nit ko
hoid weis um des nit gonga wa
schenk i ma nu a achtal ei sitz mi hi und loss hoit sei
fuḧ mi valoan und fü mi kloa 

ma ko nit sogn wos ma wü
dort kamats sowieso nit hi
drah ma die worte umadum scho gonz schwindlig rundherum
und die strategie der machthierarchie boomt 

oft geht wos nit so nochm gfüh
eher noch wirtschaftlichm kalkül
owa a nit nochm kopf wei sonst was nit so a knopf 

wos is los do obm ihr fraun ko ma si nu int augn schaun 

red ma sies sche 

redn ma sies hoid wieda sche jo sche 

redn ma sies hoid wieda sche joeh 

monchmoi geht des jo eh 

redn ma sies hoid wieda sche jo sche 

schau da s o des deaf jo woi nit woa sei jetzt bleibt de do dro wie 

a vabissna 

hund 

friara oda späda geht sie des nit aus wei 

friara oda späda zoids die 

rechnung drauf wea woass ob friara bessa wa oda 

wonn späda friara wa 

da onloss is koa onloss hoid für mi 

da onloss is koa onloss hoid für mi nit 

da onloss is koa onloss hoid für mi nit scho 

redn ma sies hoid wieda sche jo sche 

redn ma sies hoid wieda sche joeh 

monchmoi geht des jo eh 

redn ma sies hoid wieda sche jo sche 

soitat i ma des genauer oschaun oda soitat i ma 

meine grenzn 

besser ziagn oda vü bessa nu vaschiam damit a de de wirklich eini 

woin a kinnan für die moch i mi valetztboa 

biet mi o zum denkn reibm und entwickln 

für die ondan owa nit 

da onloss is koa onloss hoid für mi 

da onloss is koa onloss hoid für mi nit 

da onloss is koa onloss hoid für mi nit scho 

redn ma sies hoid wieda sche jo sche 

redn ma sies hoid wieda sche joeh 

monchmoi geht des jo eh 

redn ma sies hoid wieda sche jo sche 

mehr davo

die is owa dick hots gsogt 

und sie hots genauso gmoat

und i hob mi nit draut dass i ihr int augn gschaut hätt &

gsogt hätt is´nit voikommen egal egal vielleicht 

nit die dame deiner wahl owa meine 

wos die

sogt hot hond und fuass i wü mehr davo

meine scho

meine scho i wü mehr davo

meine scho

meine scho i wü mehr davo

meine scho

wie i hoamkum sans nit so guat drauf 

bin i eh a nit und setz nu oan drauf

i foa die moralische keule auf weil i mi do trau

und frog nit obs des jetzt grod wirklich

braucht ob sis braucht

wos moral is und wos bled 

vielleicht homs is schwa ghobt heit und 

brauchatn mei zeit owa 

ondas mehr zum zuahean 

und zum mitanonda sei zum bleibm

mehr davo mehr davo es brauchat mehr davo

mehr davo

es brauchat mehr davo mehr davo i wü mehr davo

mehr davo

da taxla 

da taxla scheißt in busch im zwoarazwoanzigstn bezirk 

und i bin irritiert dass i eam dabei siag
und hischau und erst wegschau
nochdem i zuagschaut hob 

i bin konfusioniert im zwoarazwoanzigstn bezirk
da taxler is blamiert 

wei i nit rechtzeitig weggschaut hob 

i hobs probiert 

in dem moment
wo i s checkt hob


des woa hoit leida 

gonz im ernst
jetzt gach a weng spod 

wieso hot der koa klo wo i eam nit siag
der tuat ma load der hot wirklich koans 

und i hob in spätestens zwanzg minutn wieda oans 

ungerechte wöt
da ami mischt auf wie bled und mia tuat da taxla load

kloa is heit die wöt um de si s bei mir wirklich draht 

da taxler scheißt in busch im zwoarazwoanzigstn bezirk 

und i hob goa koa lust dass i eam dabei siag
trotzdem passiert beim radlfoan
beim kopf befrein 

beim kilos fightn u body wieder herrichtn 

noch drei geburtn 

liawa hoffnung                                          

ondas ois grod nu vorhin docht steht sie jetzt vor oana tia
ondas ois grod nu vorhin gmocht liegt die intervention nit mehr bei ihr 

auf oamoi is woatn is stehbleim is nix is fix wei wos ondas umriad
a stüller stond mittn im frühling wos aufbricht und bliat 

und sie draht si im goatn und da goatn draht si um sie und die

sun brennt in ihr hirn und in ihr herz
und ihr wird scho gonz sche schwindlig und donn siagts wieda kloara und donn 

denkt sa si es wiad scho wieda werdn sie

fiacht sie liawa nit sie fiacht sie jo liawa nit sie

wü si neich orientiern

fiachtn bringts oft a nit beim fiacht wiast so miad und

hoffnung wird blanchiert 

a neicha laptop a schnölles netz is bliebm und hot si rentiert 

er leit scho monchmoi bei da haustia und nur mehr I selten digital bei ihr

donn schaun sa sie kurz o und schaun schnö wieda weg und donn richtn sa sie zom sie
foan a runde radl wei bewegung eana guat tuat und da schüchternheit entgegenwirken ko

und des radl drah si um sich und die stroßn ziagt vorbei
und da wind foat in ihr hirn und in ihr herz
und sie werdn imma schnölla und donn bremsns wieda o

und sie merkn so deafs jetzt moi sei sie

sie fiachtn si liawa nit sie fiachtn si liawa nit 

und dan si neich orientiern wei

fiachtn bringt sies do nit beim fiacht wiast so miad und

hoffnung wird blanchiert 

ondas ois grod nu vorhin docht steht sie jetzt vor oana tia

ondas ois grod nu vorhin gmocht liegt die intervention jetzt bei ihr 

auf oamoi is aufbruch is loslegn is nix is fix wei wos neiches passiert
a zoates band im hohen sommer wos softig is und hitzig und wos gliat 

sie fiacht sie jo liawa nit sie fiacht sie liawa nit sie
tuat si neich organisiern wei 

fiachtn bringt sies nit beim fiacht wiast so miad und 

hoffnung wird blanchiert 

und sie draht si im goatn und da goatn draht si um sie und die

sun brennt in ihr hirn und in ihr herz
und ihr wird scho gonz sche schwindlig und donn siagts wieda kloara und donn 

denkt sa si des wiad scho werdn

katzn

hob i di donn hob i di genau dort wo i di jetzt
brauch und du host mi a und unsa zeit die löst si
auf und nit auf laufend rauschend
aufbauschend und ohne gwicht is do und losst uns mochn 

obwois uns nit kontaktiert und si nit 

deklariert und nit do is währends scho do is mit 

ohne message de koan auftrog
impliziert 

steht recht frei do wos do steht 

und die katzn kratzn a nit on eanam krotzbam 

se san locka und irgendwie handsome
geschmeidig und sehr beiläufig bedochtsom
ochtsam auf a zeichen vom nochbarn 

gspia i di dann gspiast du mi a 

loss mas morgen morgen kumma
rast ma aus rast ma ei 

gemma hi wohi ma woin und bleima donn nit dort 

gemma zruck zum wort moch ma
blau owa ohne partei
und im grünen 

nimm mi mit in deim überraschungsei 

und die katzn kratzn a nit on eanam krotzbam 

se san locka und irgendwie handsome
geschmeidig und sehr beiläufig bedochtsom
ochtsam auf a zeichen vom nochbarn 

jederzeit bereit (6/8)

erfundene geschichten:

martha

gestern woa da hans long bei mir

auf a achterl woit a kumma woan sans mehr ois sieben bier

ausgschaut hod a nit recht guat scho von ofong an

des bier hod dann sei übrigs dazua

do

gredt hamma mäßig vü scho von ofong an

nit so wirklich üwa di kennstn eh dein mann

übern rohrbruch im parterre hab i di erste kuavn gnumma

und bin vom schümmü auf eich zruckkumma

martha martha

glaubst nit des wiad da laad toa

martha martha

es is schod

martha martha

glaubst nit des wiad da laad toa

martha martha

gonz sche spod

a hoata hinckenda vagleich und plakativ jo eh

dafia am tisch des thema es tuat ja sowieso weh

noch und noch hob i donn koan mehr zogn

er woa jo scho so am bodn

des brauchst nit psychologisiern die faktn sprechn für sich

hod a gmoat is aufgstandn und hod si dzechn anghaut bei

unsam tisch

so a blede gschicht

des angloade einrad is dabei a umgfoin

und i woit wirklich nit zusätzlich schwarzmoin

a froge des gleichgewichts vastehst ma ko a auf oam radl foan 

und i hobs vastondn

i finds a guat mit am paarl owa i

vastehs hob i gsogt 

i wü eh nit mit dir vahondln

martha martha

glaubst nit des wiad da laad toa

martha martha

es is schod

martha martha

glaubst nit des wiad da laad toa

martha martha

gonz sche spod

da fred 

wonn da fred in da frua beim trinkn nit so schnö wa 

und da hund nit so gampig wei sterilisiert
wa da tog donn nit so opisst
volla rauch wei imma nu da fred und da hund 

da fred host gsogt is mei mo 

i hob eam long scho nimma wirklich guat do
wonn a jetzt weniga sauft 

hob i des gfüh 

dass i eam wos ondas gebm soit ois ersotz 

an lücknfülla 

an großn lebensbejahungsknüllaschnulla 

aaaaa i woaß nit 

nit dei job
wobei schodn tats jo nit 

i woaß nit 

rodn tat i da des nit wobei 

wonn da fred in da frua beim trinkn nit so schnö wa 

und da hund nit so gampig wei sterilisiert
wa da tog donn nit so opisst
volla rauch wei imma nu da fred und da hund 

da fred host gsogt is mei mo 

i hob eam long nimma wirklich guat do
wonn a jetzt weniga sauft 

nimm i eam des a nu weg 

und muass mi frogn ob i nit des gfüh hätt 

dass i eam wos ondas gebm soit ois
ersotz ois lücknfülla 

ois großn lebensbejahungsknüllaschnulla 

aaaaa i woaß nit 

nit dei job 

wobei schodn tats jo nit 

i woaß nit
rodn tat i da des nit 

wobei 

gheirat hobts eich a des legt die sache noh 

da oane hüft dem ondan wonn a söwa grod nit ko 

anita i woaß nit 

irgendwie is des goaschtig
muaß ma si des üwalegn 

da fred is willensstoak 

wü a üwahaupt 

und sauft a üwahaupt so vü 

da mülla und sie

da mülla und sie

in horst sei genie

da klaus hot nit pockt

wos da erwin vabockt

da helmut hot gwoat

weil da hubert so doloahnt

während dsoffi vasteckt hot 

wofia da erwin vü 

beckt hot

die lustign leit

hom da soffi gfreit

wobei sie hom ihr donn 

scho a aweng load to

wie zum beispü 

da helmut der im rausch sein 

hund vakauft

on an rene

des is der ohne 

schmäh

a göd homs brocht

bis noch mitternocht

und da hubert is donn umgfoin

in´t kistn mit da wundsoim

und da rene hot donn gfundn

des is schicksoi wegn die wundn

da klaus woa untadessn 

oiwi nu gschockt

dass des möglich is dass da 

erwin so vabockt

und sie und da mülla

san in da eckn vasumpft

weil in horst sei genie

woa zu der spodn stund

ois gesprächsstoff 

a nit der knülla

voa oim und scho goa nit fürn mülla

und sie und da mülla

san in da eckn vasumpft

um nuamoi aufd soffi 

zsprechn zkuma

de sperrstund woa nämlich scho 

a zeidl uma 

di woa eigentlich

imma nu cool

des mit da sperrstund 

woa ihr wurscht

weil die leit hom nu an durscht

die leit hom nu an durscht

obwoi durscht eher 

nit so

woi eher 

gewohnheit

und ois wirt 

sogst donn jo a nit

i schon eich

weil die woaheit schaut donn oft ondas aus

dahoam ois im wirtshaus

do glaubst nu du pfeifst drauf

jedenfois woit ihr da mülla nu sei wohnung zoagn

sie hot sie donn aufm horst aussigredt und is hoam

alle texte

liebeslieder:

moment 

                                                für meinen papa

                                                goisern, 1.1.2017 23:46, überarbeitet am 11.3.17 in wien um 3:14 

monchmoi muass ma si im 

lebm a oafoch 

traun 

oafoch und traun 

die gegenpole 

zamkuma lossn 

wie wonn die finga um die a gummibandl gsponnt is 

si wieder nähakumman 

ois waradns magnetisch 

ma moad sie san stoak und ziagn ausanond 

da daumen und da zeigefinger 

und donn ziagn sa si do wieda zom 

owa des woaß ma zu dem zeitpunkt sowieso nu nit 

und de de si traun glaubm 

es wird oafoch geh 

beziehungsweise es wird oafoch geh 

hauptsoch es reißt nit o in da weiteren folge 

gemach gemach wos warat des scho vü z weit denkt 

und so vielleicht da moment vaschenkt 

mei bua 

                                                                        für paul

du bist mei 

bua mei bua des sog i da jetzt nit nur weilst das bist mei bua des sog i a 

mir weil is oft goa nit glaubn ko dass das
bist mei bua 

wonn ma uns
büda oschaun da papa und i donn kinna mas kaum glaubm wie uns 

deine braunen augn scho imma so sche ogschaut hom 

und deina kloanen 

schwestanprinzessin host die wichtigstn sochn scho 

zoagt
wonn ma eich aus die augn lossat 

mochts worauf ma eh eigentlich goa nit 

gwoat hättn 

und gwusst dass des mochts homma a scho 

boid weil eich a bond fabindt do
schliaßt si jetzt da kreis mit eira
großn schwesta die ko des nämlich 

a mit eich 

und da papa und i hom eh a guats gfüh
owa ma kinnt nit sogn das ma nit scho a gfoadat 

san 

du bist mei 

bua und i sog da des jetzt mia großn tuan oft 

so ois wissat ma wies richtig geht i hob des 

gfüh du woaßt des oft söwa a und a
bissl wos konnst ruhig a von mir nehma 

owa oft vasteh i wirklich wonnst di
ärgast und a kränkst do bleimma dro do kinna ma wos 

mitanonda leana 

siagst in captain kirk in hümmü fliagn
schnö ma siagtn glei scho 

nimma do do hintn 

is nu a schimma von sein 

sternenstaubliacht des obi
wan eam zuawischiaßt mit seina laserkroft die du jo
söwa a mochn konnst und olle yediritter
kämpfm in da nocht für des guade auf da welt
damitst jetzt schlofm mogst und moagn guat aufsteh konnst 

zum
fuassboispün und grössawerdn mit

deine braunen augn die welt 

oschaun guade
nocht 

gleich weit 

                                                                                    für feil

groß bist woan sche is gwesn

guat is gonga schau i zruck 

hear i di in da nocht hoamkuma 

lieg in meim bett in meim jetzt 

i sog nit geh i sog geh mit gott
und denkn tua i ma kum imma wieder zruck 

schau da ois o findt dein eignen weg

und wonnst mi 

brauchst bin i 

do 

i geh a stickal mit 

loss di ei loss di aus
nit im schnödurchlauf
in normalzeit von morgn is heit gleich weit und heit is imma 

heit 


s ́lem ko a hund sei nit glott und nit rund sei nit berechenbor 

koa spü
s ́lem tuat wos tuat
und nit wos i wü nit noch 

gfüh 

wonns da zuafoit wonns da urknoid wonns di ohoit dass di ohoitst 

wonns da aufbricht
und wie sau sticht 

loss di ei loss di aus
nit im schnödurchlauf
in normalzeit von morgn is heit gleich weit und heit is imma heit 

schlafliad

                                                                                    für marli

schlof mei liabs diandl i denk grod so sche 

übers sinnfreie tuan noch während nächtlichem ruhn

in beiden liegt a kroft 

und i hoff i schoffs 

di zum

wiedaeischlofm z´bringa donn ko i weidasinna

schlof ei und tram von de           

feinen sochn de´s lebm lebenswert mochn

von de menschn um di herum die die 

trogn 

die deine launen mitgestoitn                        

und  in schach hoitn

und deine hoa aus die augn streichn

und die neichn 

gummistüfü mit die blumen drauf am

wohnzimmabodn ausweichn

schlof mei liabs diandl i denk grod so sche 

übers sinnfreie tuan noch während nächtlichem ruhn

in beiden liegt a kroft 

schlof schlof schlof 

gewoitn

                                                                        für christoph

üwaroi mecht i singa 

die gonze zeit bin i am schpringa 

ois is lebendig in mir
die gonze wöt mecht i umoama

und i ko a wieda woana 

wo i bin 

bist du bei mir 

lass i mi gern verwoitn von höhere gewoitn
und mir kummt vor du a
gewoitn de uns beide hoitn und de si nur entfoitn 

weil mir zwoa mir san tada 

blinde kua 

                                                            für christoph

nimm da an stift schick ma a koatn
adressiert mit dem wos unsas is 

und wonns okumma is nimmst das mit da ondan post 

ois zom aufa und legst mas am küchentisch 

zeit für mi is rar woadn 

zeit für di irgendwie a
da weg zu mehr zeit mit dir 

führt vorbei on am bankerl mit mir 

drah di um
moch deine augn zua zö bis zehn
spü ma blinde kua 

die lärchn (für christoph)*

fenstabankal

                                                                        für omi

hätt i di nit troffm
war die zeit a vagonga ondas 

de wöt hätt si wohrscheinlich weidadraht
vielleicht a bist schnölla
oda longsoma oda gleichschnö 

owa de blume auf deim fenstabankal hätt nit gheat wie ma gredt hom
und glocht homma a
und des hat sicha einfluss ghobt auf ihr entwicklung 

freundschaftsentzug

                                                           für meine freund*innen

slebm hod seine wundn hintalossn
in finstre gossn is ma monchmoi obogn wei ma woit
da herrgott hod oan mensch sei lossn
des schlechte gwissn hod si eh von söwa einaghoit


wonnst mi zum rechtn zeitpunkt do donn gsegn host

donn woa a des wos schlimm woa in dem moment hoib so wüd

gemeinsam homma zeit vasoffm

und graucht und gscheida gwesn ois da 

rest da wöt woama a
wobei da rest da wöt a onliegn woa

i vamiss di

freundschaftsentzug hoeidi

die nocht ko a hund sei

freundschaftsentzug a hätt i di

des lebm kinnt ma umdrahn 

guat hob is dawischt so guat so wunderboa
mei mann is gsund und meine kinda a und unpack- 

boa is eigentlich dass mas nit aufschreibm ko ma 

bleibt am bestn demütig und gonz oag donkboar
i vamiss di

freundschaftsentzug hoeidi

die nocht ko a hund sei

freundschaftsentzug a hätt i di

des lebm kinnt ma umdrahn 

donn sitzt mit deina family in oana feschn

wohnung zwischn stodt und land weil stodt is si nit

ausgonga finanziell und fürs land is da

zfrua wei mitm erstn kind woast eh kaum fuat und

und eigentlich wüst scho nu aussafindn wie

des städtelebm so gwesn wa nur host jetzt nu zwoa

kriagt und de woin di a

dahoam

politische lieder/situationslieder/reflexionen/perspektiven:

a hund 

a hund is a hund wonn a böd

wonn a nit böd is a a a hund

i bin a gscheichte hen

wons nit woaß ob sa si wiedakennt

hot da bam seine bladln nu om

kinntat sei is mei optik vaschom

losst as foin ko i hintri schaun

ohne aufsteh an tiafan blick baun

tiaf hoch floch weit

wos is des is

wos nit is 

des schreit a nit

wos hiruckn a optik 

biagn

beim hirn von da hen kinnt des 

funktioniern

owa bei mir deafat des nit so geh

i ko ma s oschaun und i siag donn a an 

schmäh

oiso bitte oiso bitte oiso bitte kriag di

ei

oiso bitte oiso bitte oiso bitte nit zum 

schein

samma echt samma mutig hoit ma 

zom

schau ma hi blick ma durch homma frogn

a hund is a hund wonn a böd

wonn a nit böd is a a a hund

i bin a gscheichte hen

won i nit woaß ob i mi wiedafindt

hoid 

hoid wei i des jetzt so nit ko
hoid weis um des nit gonga wa
schenk i ma nu a achtal ei sitz mi hi und loss hoit sei
fuḧ mi valoan und fü mi kloa 

ma ko nit sogn wos ma wü
dort kamats sowieso nit hi
drah ma die worte umadum scho gonz schwindlig rundherum
und die strategie der machthierarchie boomt 

oft geht wos nit so nochm gfüh
eher noch wirtschaftlichm kalkül
owa a nit nochm kopf wei sonst was nit so a knopf 

wos is los do obm ihr fraun ko ma si nu int augn schaun 

red ma sies sche 

redn ma sies hoid wieda sche jo sche

redn ma sies hoid wieda sche joeh 

monchmoi geht des jo eh 

redn ma sies hoid wieda sche jo sche

schau da s o des deaf jo woi nit woa sei jetzt bleibt de do dro wie 

a vabissna 

hund 

friara oda späda geht sie des nit aus wei 

friara oda späda zoids die 

rechnung drauf wea woass ob friara bessa wa oda 

wonn späda friara wa 

da onloss is koa onloss hoid für mi 

da onloss is koa onloss hoid für mi nit 

da onloss is koa onloss hoid für mi nit scho 

redn ma sies hoid wieda sche jo sche

redn ma sies hoid wieda sche joeh 

monchmoi geht des jo eh 

redn ma sies hoid wieda sche jo sche

soitat i ma des genauer oschaun oda soitat i ma 

meine grenzn 

besser ziagn oda vü bessa nu vaschiam damit a de de wirklich eini 

woin a kinnan für die moch i mi valetztboa 

biet mi o zum denkn reibm und entwickln 

für die ondan owa nit 

da onloss is koa onloss hoid für mi 

da onloss is koa onloss hoid für mi nit 

da onloss is koa onloss hoid für mi nit scho 

redn ma sies hoid wieda sche jo sche

redn ma sies hoid wieda sche joeh 

monchmoi geht des jo eh 

redn ma sies hoid wieda sche jo sche

mehr davo

die is owa dick hots gsogt 

und sie hots genauso gmoat

und i hob mi nit draut dass i ihr int augn gschaut hätt &

gsogt hätt is´nit voikommen egal egal vielleicht 

nit die dame deiner wahl owa meine 

wos die

sogt hot hond und fuass i wü mehr davo

meine scho

meine scho i wü mehr davo

meine scho

meine scho i wü mehr davo

meine scho

wie i hoamkum sans nit so guat drauf

bin i eh a nit und setz nu oan drauf

i foa die moralische keule auf weil i mi do trau

und frog nit obs des jetzt grod wirklich

braucht ob sis braucht

wos moral is und wos bled 

vielleicht homs is schwa ghobt heit und 

brauchatn mei zeit owa 

ondas mehr zum zuahean 

und zum mitanonda sei zum bleibm

mehr davo mehr davo es brauchat mehr davo

mehr davo

es brauchat mehr davo mehr davo i wü mehr davo

mehr davo

da taxla 

da taxla scheißt in busch im zwoarazwoanzigstn bezirk 

und i bin irritiert dass i eam dabei siag
und hischau und erst wegschau
nochdem i zuagschaut hob 

i bin konfusioniert im zwoarazwoanzigstn bezirk
da taxler is blamiert 

wei i nit rechtzeitig weggschaut hob

i hobs probiert 

in dem moment
wo i s checkt hob


des woa hoit leida 

gonz im ernst
jetzt gach a weng spod

wieso hot der koa klo wo i eam nit siag
der tuat ma load der hot wirklich koans 

und i hob in spätestens zwanzg minutn wieda oans 

ungerechte wöt
da ami mischt auf wie bled und mia tuat da taxla load

kloa is heit die wöt um de si s bei mir wirklich draht 

da taxler scheißt in busch im zwoarazwoanzigstn bezirk 

und i hob goa koa lust dass i eam dabei siag
trotzdem passiert beim radlfoan
beim kopf befrein 

beim kilos fightn u body wieder herrichtn 

noch drei geburtn 

liawa hoffnung                                         

ondas ois grod nu vorhin docht steht sie jetzt vor oana tia
ondas ois grod nu vorhin gmocht liegt die intervention nit mehr bei ihr 

auf oamoi is woatn is stehbleim is nix is fix wei wos ondas umriad
a stüller stond mittn im frühling wos aufbricht und bliat 

und sie draht si im goatn und da goatn draht si um sie und die

sun brennt in ihr hirn und in ihr herz
und ihr wird scho gonz sche schwindlig und donn siagts wieda kloara und donn 

denkt sa si es wiad scho wieda werdn sie

fiacht sie liawa nit sie fiacht sie jo liawa nit sie

wü si neich orientiern

fiachtn bringts oft a nit beim fiacht wiast so miad und

hoffnung wird blanchiert 

a neicha laptop a schnölles netz is bliebm und hot si rentiert 

er leit scho monchmoi bei da haustia und nur mehr I selten digital bei ihr

donn schaun sa sie kurz o und schaun schnö wieda weg und donn richtn sa sie zom sie
foan a runde radl wei bewegung eana guat tuat und da schüchternheit entgegenwirken ko

und des radl drah si um sich und die stroßn ziagt vorbei
und da wind foat in ihr hirn und in ihr herz
und sie werdn imma schnölla und donn bremsns wieda o

und sie merkn so deafs jetzt moi sei sie

sie fiachtn si liawa nit sie fiachtn si liawa nit 

und dan si neich orientiern wei

fiachtn bringt sies do nit beim fiacht wiast so miad und

hoffnung wird blanchiert 

ondas ois grod nu vorhin docht steht sie jetzt vor oana tia

ondas ois grod nu vorhin gmocht liegt die intervention jetzt bei ihr 

auf oamoi is aufbruch is loslegn is nix is fix wei wos neiches passiert
a zoates band im hohen sommer wos softig is und hitzig und wos gliat 

sie fiacht sie jo liawa nit sie fiacht sie liawa nit sie
tuat si neich organisiern wei 

fiachtn bringt sies nit beim fiacht wiast so miad und 

hoffnung wird blanchiert 

und sie draht si im goatn und da goatn draht si um sie und die

sun brennt in ihr hirn und in ihr herz
und ihr wird scho gonz sche schwindlig und donn siagts wieda kloara und donn 

denkt sa si des wiad scho werdn

katzn

hob i di donn hob i di genau dort wo i di jetzt
brauch und du host mi a und unsa zeit die löst si
auf und nit auf laufend rauschend
aufbauschend und ohne gwicht is do und losst uns mochn 

obwois uns nit kontaktiert und si nit 

deklariert und nit do is währends scho do is mit 

ohne message de koan auftrog
impliziert 

steht recht frei do wos do steht 

und die katzn kratzn a nit on eanam krotzbam 

se san locka und irgendwie handsome
geschmeidig und sehr beiläufig bedochtsom
ochtsam auf a zeichen vom nochbarn 

gspia i di dann gspiast du mi a 

loss mas morgen morgen kumma
rast ma aus rast ma ei 

gemma hi wohi ma woin und bleima donn nit dort 

gemma zruck zum wort moch ma
blau owa ohne partei
und im grünen 

nimm mi mit in deim überraschungsei 

und die katzn kratzn a nit on eanam krotzbam 

se san locka und irgendwie handsome
geschmeidig und sehr beiläufig bedochtsom
ochtsam auf a zeichen vom nochbarn 

jederzeit bereit (6/8)

erfundene geschichten:

martha

gestern woa da hans long bei mir

auf a achterl woit a kumma woan sans mehr ois sieben bier

ausgschaut hod a nit recht guat scho von ofong an

des bier hod dann sei übrigs dazua

do

gredt hamma mäßig vü scho von ofong an

nit so wirklich üwa di kennstn eh dein mann

übern rohrbruch im parterre hab i di erste kuavn gnumma

und bin vom schümmü auf eich zruckkumma

martha martha

glaubst nit des wiad da laad toa

martha martha

es is schod

martha martha

glaubst nit des wiad da laad toa

martha martha

gonz sche spod

a hoata hinckenda vagleich und plakativ jo eh

dafia am tisch des thema es tuat ja sowieso weh

noch und noch hob i donn koan mehr zogn

er woa jo scho so am bodn

des brauchst nit psychologisiern die faktn sprechn für sich

hod a gmoat is aufgstandn und hod si dzechn anghaut bei

unsam tisch

so a blede gschicht

des angloade einrad is dabei a umgfoin

und i woit wirklich nit zusätzlich schwarzmoin

a froge des gleichgewichts vastehst ma ko a auf oam radl foan 

und i hobs vastondn

i finds a guat mit am paarl owa i

vastehs hob i gsogt 

i wü eh nit mit dir vahondln

martha martha

glaubst nit des wiad da laad toa

martha martha

es is schod

martha martha

glaubst nit des wiad da laad toa

martha martha

gonz sche spod

da fred 

wonn da fred in da frua beim trinkn nit so schnö wa 

und da hund nit so gampig wei sterilisiert
wa da tog donn nit so opisst
volla rauch wei imma nu da fred und da hund 

da fred host gsogt is mei mo 

i hob eam long scho nimma wirklich guat do
wonn a jetzt weniga sauft 

hob i des gfüh 

dass i eam wos ondas gebm soit ois ersotz 

an lücknfülla 

an großn lebensbejahungsknüllaschnulla 

aaaaa i woaß nit 

nit dei job
wobei schodn tats jo nit

i woaß nit 

rodn tat i da des nit wobei 

wonn da fred in da frua beim trinkn nit so schnö wa 

und da hund nit so gampig wei sterilisiert
wa da tog donn nit so opisst
volla rauch wei imma nu da fred und da hund 

da fred host gsogt is mei mo 

i hob eam long nimma wirklich guat do
wonn a jetzt weniga sauft 

nimm i eam des a nu weg 

und muass mi frogn ob i nit des gfüh hätt 

dass i eam wos ondas gebm soit ois
ersotz ois lücknfülla 

ois großn lebensbejahungsknüllaschnulla 

aaaaa i woaß nit 

nit dei job 

wobei schodn tats jo nit 

i woaß nit
rodn tat i da des nit 

wobei 

gheirat hobts eich a des legt die sache noh 

da oane hüft dem ondan wonn a söwa grod nit ko 

anita i woaß nit 

irgendwie is des goaschtig
muaß ma si des üwalegn 

da fred is willensstoak 

wü a üwahaupt 

und sauft a üwahaupt so vü 

da mülla und sie

da mülla und sie

in horst sei genie

da klaus hot nit pockt

wos da erwin vabockt

da helmut hot gwoat  

weil da      hubert so doloahnt     

während dsoffi vasteckt hot 

wofia da erwin vü 

beckt hot   

die lustign leit

hom da soffi gfreit

wobei sie hom ihr donn 

scho a aweng load to

wie   zum beispü 

da helmut der im rausch sein 

hund vakauft

on an rene

des is der ohne 

schmäh     

a göd homs brocht     

bis noch mitternocht  

und da hubert is donn umgfoin

in´t kistn mit da wundsoim

und da rene hot donn gfundn     

des is schicksoi wegn die wundn

da klaus woa untadessn    

oiwi nu gschockt        

dass des möglich is dass da       

erwin so vabockt

und sie und da mülla

san in da eckn vasumpft    

weil in horst sei genie

woa zu der spodn stund     

ois gesprächsstoff     

a nit der knülla  

voa oim und scho goa nit fürn mülla   

und sie und da mülla

san in da eckn vasumpft    

um nuamoi aufd soffi 

zsprechn zkuma                  

de sperrstund woa nämlich scho         

a zeidl uma        

di woa eigentlich

imma nu cool     

des mit da sperrstund 

woa ihr wurscht

weil die leit hom nu an durscht   

die leit hom nu an durscht

obwoi durscht eher 

nit so

woi eher 

gewohnheit

und ois wirt 

sogst donn jo a nit

i schon eich

weil die woaheit schaut donn oft ondas aus

dahoam ois im wirtshaus

do glaubst nu du pfeifst drauf

jedenfois woit ihr da mülla nu sei wohnung zoagn

sie hot sie donn aufm horst aussigredt und is hoam

1) soloproduktionen sibylle kefer:

  • sibylle kefer: hoid (medienmanufaktur wien, 2023)
  • sibylle kefer: sibylle kefer (sie-records 2019)
  • sibylle kefer: hob i di (BaderMoldenRecordings, 2017)
  • sibylle kefer: considerably reduced (sie-records 2012)
  • sibylle kefer: weg (sie-records 2011)
  • SiE (pseudonym von s. kefer): Alice im Wunderland (cracked anegg 2007)

2) publikationen sibylle kefer:

  • diplomarbeit magisterstudium musiktherapie (universität für musik und darstellende kunst wien, 2020 – nachgraduierung): die kontrolle der kontrolle ist das maß der freiheit. kontrollverlustängste bei kindern in einer bindungsorientierten musiktherapie
  • synchronisation (wissenschaftliche arbeit am JAM-Music lab zur Erlangung des Diplomstudiums IGP)
  • diplomarbeit kurzstudium musiktherapie (universität für musik und darstellende kunst wien, 2000): weil ein f kein fis sein kann, perfektionismus in der musiktherapie

3) auswahl werke mit teilnahme sibylle kefer:

ernst molden und das frauenorchester:

  • neiche zeit (badermolden 2021)
  • dei schwesta waand (badermolden 2018)

ernst molden:

  • schdrom (monkeymusic 2016)
  • weidafoan (monkey-music 2012)
  • es lem (monkeymusic 2011)
  • bubenlieder (monkey music 2006)

ausseer hardbradler:

  • live in concert (ylee 2005)
  • volkspunk (ylee 2004)
  • cuba (ylee 2003)